اپنی تاریخ (ہسٹری) سے واقف ہونے کی اہمیت،ضرورت اور فائدے

مولانا  محمد غیاث الدین  اشرفی

( ناظمِ تعلیمات ،ادارہ آن لائن معہد )

انسان اور قوم دونوں کے لیے تاریخ ایک آئینہ ہے، جو ماضی کے تجربات سے سبق لینے اور مستقبل کی سمت طے کرنے میں مدد دیتی ہے۔   جو  قوم  اپنی  تاریخ  اور  اپنے اسلاف  کے  کارناموں   سے  ناواقف  ہوتی   ہے   ،وہ  احساسِ  کمتری   میں  مبتلا  ہو  جاتی   ہے ، اپنی  تاریخ  سے متعلق  غلط  فہمیوں  اور  جھوٹے  پروگنڈوں  سے  متاثر  ہوکر اجتماعی  احساسِ   جرم    میں   مبتلا   ہوجاتی   ہے ۔ جس  سے  قوم    کی ترقی  کا جذبہ  ماند  پڑجاتا   ہے ، صلاحتیں ابھرنے  سے  محروم  ہوجاتی   ہیں۔اس  کا  ذہن ایک  شدید  تناؤ  كا  شكار   ہوجاتا   ہے ،قوتِ   عمل   مفلوج   ہوجاتی   ہے ۔ اس   لیے  اپنی صحیح  تاریخ   سے  واقف   ہونا   ، اپنے اسلاف   كے  كارناموں  كو  جاننا  انتہائی  ضروری   ہے ۔ اپنی  تاریخ  جاننے   كی اہمیت  اور  ضرورت   پر  چند  اہم  نكات  اور  مشہور  مفكرین  كے  چند  اقوال  پیش    كیے   جارہے   ہیں،تاكہ  ہمیں  اندازہ  ہو   كہ یہ  كتنا  اہم  اورضروری  كام   ہے ۔

1۔ شناخت اور وجود کا شعور

تاریخ قوموں کو ان کی شناخت عطا کرتی ہے۔اپنی جڑوں، تہذیب، زبان، ثقافت اور دین سے رشتہ قائم رکھنے کا ذریعہ بنتی ہے۔جس قوم کو اپنی تاریخ معلوم نہ ہو وہ دوسروں کی تہذیب اور سوچ کے اثر میں آجاتی ہے۔

🔹علامہ اقبال

’’ اقوام  کی زندگی  ان  کی تہذیبی  یادداشت  سے  وابستہ  ہے ،  جو قوم  اپنی  تاریخ  بھول  جائے ، وہ  اپنی  حقیقت   کھو دیتی   ہے ۔‘‘(علامہ  اقبال)

(حوالہ: ڈاکٹر جاوید اقبال، زبانِ اقبال، لاہور: اقبال اکادمی پاکستان، 1983، ص 112۔)

2۔ غلطیوں اور کامیابیوں سے سبق

تاریخ میں قوموں کی کامیابیاں بھی درج ہوتی ہیں اور ناکامیاں بھی۔ایک باشعور قوم ماضی کی غلطیوں سے سبق لے کر آئندہ ان سے بچتی ہے۔کامیاب حکمت عملیوں اور کارناموں کو دہرا کر ترقی حاصل کرتی ہے۔

🔹جارج سنتایانا

‘‘Those who cannot remember the past are condemned to repeat it  . ’’  (George Santayana)

(  George Santayana, The Life of Reason: Reason in Common Sense, Charles Scribner’s Sons, 1905, p. 284)

3۔ قوموں میں اتحاد اور حوصلہ

تاریخ اپنے ہیروز کی قربانیوں اور کامیابیوں کو یاد دلا کر قوم میں عزتِ نفس اور حوصلہ پیدا کرتی ہے۔غلامی، قربانی اور آزادی کی داستانیں نئی نسل کو اتحاد اور محنت پر آمادہ کرتی ہیں۔

🔹 ابن خلدون (Muslim Historian & Philosopher)

 ’’تاریخ قوموں کے دلوں کو یکجا کرتی ہے، کیونکہ ان کے مشترکہ دکھ، کامیابیاں اور کارنامے انہیں ایک دوسرے کے قریب لے آتے ہیں۔‘‘(حوالہ: ابن خلدون، المقدمہ، بیروت: دارالفکر، 2005، ص 8۔)

🔹 مہاتما گاندھی (Indian Leader)

’’ہماری تاریخ میں قربانیوں اور جدوجہد کی یاد ہمیں ایک دوسرے سے جوڑتی ہے اور ایک متحد قوم بناتی ہے۔‘‘

( M. K. Gandhi, Young India, 1926, p. 215)

🔹 جواہر لال نہرو (Indian Thinker & Statesman)

 ’’تاریخ کو جاننا اس لیے ضروری ہے کہ وہ ہمیں یہ احساس دلاتی ہے کہ ہم سب ایک ہی وراثت کے وارث ہیں، اور یہی احساس ہمیں اتحاد اور طاقت بخشتا ہے۔‘‘

  (Jawaharlal Nehru, The Discovery of India, New Delhi: Oxford University Press, 1946, p. 45.)

🔹 وِنْسَنٹ چرچل (Western Statesman)

 ‘‘A nation that forgets its past has no future, for history gives a people the courage to stand together’’.

(یعنی: ’’جو قوم اپنا ماضی بھول جائے اس کا کوئی مستقبل نہیں، کیونکہ تاریخ ہی قوم کو اکٹھا کھڑے ہونے کا حوصلہ دیتی ہے۔‘‘)

 (Winston Churchill, Speech to the House of Commons, 1948).

🔹 علامہ اقبال (Muslim Philosopher-Poet)

 ’’تاریخ اپنے اسلاف کی قربانیوں کی داستان ہے، اور یہی قربانیاں نئی نسل کے دلوں کو جوڑ کر اتحاد اور غیرت پیدا کرتی ہیں۔‘‘

(ڈاکٹر جاوید اقبال، زبانِ اقبال، لاہور: اقبال اکادمی پاکستان، 1983، ص 117۔)

4۔ دشمن اور چیلنجز کی پہچان

تاریخ یہ بتاتی ہے کہ قوم کو کن دشمنوں، سازشوں اور مشکلات کا سامنا رہا۔یہ آگاہی مستقبل میں انہی چیلنجز سے نمٹنے کے لیے مددگار بنتی ہے۔قرآنِ مجید   میں بار  بار  یہود   ، مشرکین ِ  مکہ  اور   منافقین  اور  ان  کی سازشوں   کا تذکرہ  ،اسی   لیے   کیا  گیا  تاکہ  آئندہ  مسلمان  ان سازشوں  اور  فریب کاریوں   سے   بچ   سکیں۔

5۔ ترقی کی سمت متعین کرنا

تاریخ کے بغیر قوم ایک ایسے فرد کی طرح ہے جسے اپنی پیدائش اور ماضی کا کچھ علم نہ ہو۔تاریخ قوم کو یہ سکھاتی ہے کہ کون سا راستہ ترقی کی طرف لے جاتا ہے اور کون سا زوال کی طرف۔  کن  اصولوں  کو   بنیاد   بنا   کر   قوموں   نے  ترقی  کی اور   وہ   کونسے  اسباب   ہیں ،جس کیک وجہ  سے   قوم    ترقی  سے محروم     ہوگئی، تاریخ  سے  ان  باتوں  کا  علم   ہوتا   ہے ۔

🔹 ابن خلدون:

’’التاريخ في ظاهره لا يزيد عن الإخبار، وفي باطنه نظر وتحقيق‘‘

 ’’ظاہر میں تاریخ صرف خبریں ہیں، لیکن حقیقت میں وہ تحقیق اور اسبابِ عروج و زوال کی معرفت ہے۔‘‘

(  ابن خلدون، المقدمة، بیروت: دارالفکر، 2005، ص 5۔)

🔹 خلاصہ یہ ہے کہ تاریخ ایک قوم کی اجتماعی یادداشت ہے۔ اگر یادداشت مٹ جائے تو قوم اپنی پہچان کھو دیتی ہے، اور دوسروں کی غلام بن جاتی ہے۔ اسی لیے کہا جاتا ہے:

’’جو قوم اپنی تاریخ بھول جائے، وہ قوم زندہ نہیں رہ سکتی۔‘‘

           تاریخ  كی  اتنی  اہمیت   كے  باوجود   آج   كی  ہماری  نئی  نسل فلمی  آكٹروں ، كركٹروں ،اور غیر مسلموں  كی تاریخ  سے  تو  واقف   ہے ، لیكن   اپنی  تاریخ  سے   ناواقف   اور  نا بلد   ہے ، بلكہ  كریلے  پر   نیم چڑھا  كے  مصداق  سنگھ  كے  جھوٹے  پروپگنڈوں  ، مسلم   حكمرانوں   پر  لگائے  جانے والے  جھوٹے  الزامات  سے  متاثر   ہوكر  ’’احساسِ کمتری ‘‘   بلکہ  ’’احساسِ جرم‘‘  میں  مبتلاء اور اپنے  اسلاف  سے  بدگمان  ہورہی   ہے۔ ہندووانہ  تہذیب  کی برتری  كے جھوٹے بیانات سے ، ہند   کے شاندار ماضی  کی فرضی  کہانیوں  سے،  غیروں  کی  تاریخ  سے  مرعوب  ہورہی  ہے۔اب تو  نیو ایجوکیشن  پالیسی  پر عمل  درآمد  کرتے   ہوئے تاریخ  كی كتابوں سے  مغل  دور ِ حكومت  كا  سارا  باب  ہی حذف   كردیا   گیا  ہے ۔ اگر  ہم اب بھی  بیدا  ر   نہ  ہوئے  اور   ہم  نے  اپنی  نئی  نسل  كو  امت  كی تاریخ اور  اپنے اسلاف  كے  كارناموں  سے  واقف   نہیں  كرایا  تو  پھر  قوم  كا  خدا  ہی  حافظ   ہے۔ہماری  حالت  پر  یہ شعر  بالكل  صادق  آتا   ہے ۔

جس  دور   پہ  نازاں  تھی  دنیا،  اب ہم وہ زمانہ  بھول  گئے

غیروں                                        كی  كہانی                              یاد  رہی                                                                 اور                                                 اپنا                                                                      فسا نہ                                                                                            بھول                                                      گئے